महासचिव वाङ कि मुनले सेना समायोजनका लागि सहमति निर्माण गर्न दलहरुलाई आग्रह

संयुक्तराष्ट्रसंघका महासचिव वाङ कि मुनले सेना समायोजन शान्ति प्रक्रियाको जटिल र अनिवार्य पाटो भएकाले दलहरुलाई सहमति निमार्णमा ढिलाई नगर्न आग्रह गरेका छन् । भ्रमणको अन्तिम दिन नेपालस्थित संयुक्तराष्ट्रसंघीय मिसन अनमिनको कार्यालयमा आयोजित पत्रकार सम्मेलनमा उनले राष्ट्रिय सहमतिको बाटोबाट सेना समायोजनको चुनौती पार गर्न नेपाल सरकार र दलहरु सफल हुने आशा व्यक्त गरे ।
'सेना समायोजन शान्ति प्रक्रियाको जटिल र चुनौतीपूर्ण पाटो हो,' मुनले अगाडि भने,'सहकार्य, सहमति र राष्ट्रिय एकताको भावनाबाट सेना समायोजनको चुनौती पूरा गर्न नेपाल सरकार, दलहरु र नेपाली जनता सफल हुनेछन् ।' सेना समायोजनका लागि राष्ट्रसंघ आवश्यक सहयोग गर्न तयार रहेको समेत बताए । सेना समायोजनको मापदण्ड नेपालका दल र नेपाली जनताले तय गर्ने हो भन्दै सरकारको आग्रहबमोजिमको सहयोग प्रदान गरिने स्पष्ट पारे ।
सेना समायोजनबारे प्रधानमन्त्री प्रचण्ड र राजनीतिक दलका नेताहरुसंग पनि कुराकानी गरेको बताए । कुराकानीका क्रममा सकारात्मक सम्भावना देखेको बताए । नेपाल सरकारले बनाएको सेना समायोजनको विशेष समितिले सहमतिबाट काम गरेर लक्ष्य राखेको समयमै समायोजन गर्न सक्षम हुने आशा व्यक्त गरे । छ महिनामा सेना समायोजन गर्ने सरकारको उद्येश्य पूरा होला त भन्ने प्रश्नमा उनले भने,'दलहरु मिलेर सहमति, सहकार्य र राष्ट्रिय एकताको बाटो पहिल्याउनेछन् भन्नेमा म विश्वस्त छु ।' माओवादी छापामारलाई सेनामा समायोजन गरे राष्ट्रसंघले नेपाली सेनालाई शान्ति स्थापनाका लागि गर्दै आएको आव्हानमा समस्या उत्पन्न हुदैन भन्ने प्रश्नमा उनले त्यस्तो समस्या नआउने तर सेना समायोजनको मापदण्ड नेपाली जनता र नेपाल सरकारलेनै तय गर्ने बताए । नेपाली सेनाले संयुक्तराष्ट्रसंघको आव्हानमा शान्ति स्थापनार्थ खेल्दै आएको भूमिकाको उच्च प्रशंशा गरे । भविष्यमा सोमालिया र चार्डमा पनि नेपाली सेनालाई शान्ति स्थापनार्थ खटाउने बारे नेपाल सरकारसंग कुरा भएको र त्यसबारे सुरक्षा परिषदमा कुरा हुने बताए ।
सेना समायोजनबारे पटक पटक आफ्नो अभिव्यक्ति दिएका उनले अयोग्य माओवादी लडाकुलाई शिविरमा नराख्न आग्रह समेत गरे । नेपालको शान्ति प्रक्रिया विश्वसामु प्रशंशनीय रहेको उल्लेख गरे । सेना समायोजनको चुनौतीलाई सफल बनाउन सके नेपालको शान्ति प्रक्रिया समस्त विश्वका लागि उदाहरणीय बन्ने बताए । उनले दलहरुलाई शान्ति प्रक्रिया तार्किक निष्कर्षमा पुर्‍याउन आग्रह पूवाग्रह बिर्सर्े देश र जनतालाई केन्द्रबिन्दुमा राखेर निर्णय लिन आग्रह समेत गरे ।
राष्ट्रिसंघीय मिसन अनमिनको भविष्यबारे पनि प्रधानमन्त्री प्रचण्डसंग कुराकानी भएको खुलासा गरे । नेपाल सरकार अनमिनको समय थप्न इच्छुक भए आफूले सुरक्षापरिषदमा त्यसबारे प्रस्ताव लाने बताए । नेपालको शान्ति प्रक्रिया, रुपान्तरण र मानवअधिकारका क्षेत्रमा अनमिनले सहयोगी भूमिका खेल्दै आएको बताए । शान्ति र स्थायित्वका लागि अनमिनको आवश्यकता महशुश भए त्यसबारे छलफल गरिने बताए ।
नेपाललगायत दक्षिण एशियाली उपमहादेशको पछिल्लो घटनाक्रमबारे भारतीय नेताहरुसंग छलफल भएको बताए । उनले भने,'मैंले नेपालको शान्ति प्रक्रियाबारे भारतीइ नेताहरुसंग पनि छलफल गरेको छु ।'
नेपालमा दीगो शान्तिका अलावा मानवअधिकारका क्षेत्रमा राष्ट्रसंघले सहयोग जारी राख्ने बताए । पुननिर्माण र पुनव्यवस्थापनमा सहयोगका लागि पहल गरिने समेत बताए ।

New nepal after monarchy

EVERY ONE IS WINNER IN NEPAL NOW !!!
LET US ALL HOPE THAT MAOISTS WILL NOT LET US DOWN IN COMING FUTURE!!!
HIP HIP HURRAYS !!!!!!!!!!!!!!!!!!!!!!!

'जनमार्च' को स्वागत

१६-मंसिर-२०६४
नेकपा माओवादी थारुवान् राज्य समितिको आयोजनामा दाङको भालुवाङबाट सुरु भएको थारुवान् गणतांत्रिक जनमार्चलाई सुकुम्बासी र विद्यार्थीहरूले स्वागत गरेका छन्। सुकुम्बासीहरुले फूलमाला र अबिर लगाएर जनमार्चलाई स्वागत गरेका थिए। स्वागत गरिसकेपछि उनीहरुले मार्च टोलीलाई आफ्नो बस्तीको अवलोकन गरेर सुकुम्बासीको स्थिति बुझ्न आग्रह गरेका थिए। आग्रहपछि टोलीले सुकुम्बासी बस्तीको अवलोकन गरेको थियो। अवलोकनपछि अभियानका कमान्डर विधायक इन्द्रजीत थारुले मुक्त कमैया, सुकुम्बासीलगायत सर्वहारावर्गको मुक्तिका लागि आफ्नो पार्टी लडिरहेको धारणा राख्दै अन्तिम आन्दोलनका लागि तयार हुन सुकुम्बासीहरुलाई पनि आह्वान गर्नुभयो। त्यस्तै जनमार्च टोलीलाई गणेश मावि ढकेरी बाँकेका विद्यार्थीहरुले पनि स्वागत गरेका थिए। अभियान टोली आज कोहलपुर पुगेको छ। कोहलपुरमा आयोजित सभालाई नेकपा माओवादी थारुवान् राज्य समिति सेक्रेटरी एवं विधायक रामचरण थारु, अन्य विधायकहरु इन्द्रजीत थारु, परमानन्द बर्मा र पूर्णा सुवेदीले सम्वोधन गर्नुभयो। त्यसैगरी माओवादीका बाँके जिल्ला सेक्रेटरी चन्दाकान्त, मधेसी मुक्तिमोर्चाका केन्द्रीय सदस्य फिरोज खाँ, बुद्धिजीवी संगठनका केन्द्रीय सदस्य माधव खनाल, महिला नेतृ सुष्मा शर्मा घिमिरे, मजदुरनेता नारदमणि पोखरेलले बोल्नुभएको थियो। गणतन्त्र घोषणा गरी समानुपातिक निर्वाचन प्रणाली लागू गरेर संविधानसभा निर्वाचन गराउन सरकारलाई दबाब दिन र जनसमुदायलाई राष्ट्रियता, गणतन्त्र र संविधानसभाको महत्त्व बुझाउन सुरु गरिएको अभियानको यो टोलीमा आज २ सय २० जना साइकलयात्री सहभागी छन्। पश्चिम महाकालीबाट हिडेको अर्को टोली र यो टोली मंसिर १८ गते बर्दियाको बाँसगढीमा मिलेर संयुक्त सभा गरी अभियान समापन गर्ने कार्यक्रम रहेको माओवादीले जनाएको छ।

डा. शेखर कोइराला भर्सेस सुजाता कोइराला

विराटनगरस्थित नोबेल एकेडेमी मेडिकल कलेजका चारजना सञ्चालकहरु डा. ज्ञानेन्द्र गिरी, नवराज पाण्डे, उमेश पाण्डे र आदित्य खनालमाथि मंसिर २ गते योङ कम्युनिस्ट लिग नेपालको नाममा भएको अपहरण र कुटपिटको घटनाको रहस्य अहिले सतहमा आएको भन्दा बेग्लै भएको थाहा भएको छ। सो मेडिकल कलेजका सञ्चालकमध्ये सुनिल शर्मा तथा डा. ज्ञानेन्द्र गिरी पक्षका बीचमा लामो समयदेखि चल्दै आएको विवाद मिलाउने नाममा गिरी पक्षधरलाई विराटनगरबाट काठमाडौंमा बोलाई विमानस्थलबाट कामीडांडा लगेर कुटपिट गरिएको थियो। गिरी पक्षधरलाई विवाद मिलाउने नाममा वाईसीएल प्रयोग गरी अपहरण तथा कुटपिट गराउनका लागि बालुवाटारमा छाया प्रधानमन्त्रीको रुपमा परिचित डा. शेखर कोइरालाको प्रमुख हात रहेको जानिफकार सूत्रले बताएको छ। नोबेल एकेडेमीका सञ्चालकबीचमा चलेको विवादमा शर्मा पक्षलाई डा. शेखर कोइराला तथा डा. गिरी पक्षलाई सुजाता कोइरालाको समर्थन र आशीर्वाद रहेको छ। गिरिजाप्रसाद कोइरालाको विश्वास प्राप्त मात्र नभई छाया प्रधानमन्त्रीको रुपमा परिचित यी दुई कोइरालाहरुले आफ्नो हात माथि पार्नका लागि वाईसीएलको प्रयोग गरेर प्रचण्डलाई समेत उछिनेको कुरा यो घटनाको वास्तविक रहस्य खुलेपछि सार्वजनिक हुन पुगेको छ। यता कोइराला परिवारभित्र चलेको नोबेल एकेडेमी सञ्चालनसम्बन्धी विवादमा बालुवाटारबाटै वाईसीएल प्रयोग भएको र त्यसको परिणाम नकारात्मक बन्न पुगेपछि माओवादी नेतृत्वसमेत गम्भीर बन्न पुगेको छ। वाईसीएलका तल्ला दर्जाका व्यक्तिहरुबाट त्यसप्रकारको गलत काम भएको र गलत काम गर्नेहरुलाई कारबाही गरिने जानकारी माओवादीले दिएको छ। यसैबीच वाईसीएलका उपत्यका इन्चार्ज सागरले नोबेल प्रकरणमा गल्ती भएको भन्दै केन्द्रीय समितिसमक्ष आत्मालोचना गरेका छन्। वाईसीएलको हालै सम्पन्न केन्द्रीय समिति बैठकले वाईसीएलभित्र छाडा संस्कृति, अराजकता र मनपरीतन्त्र बढेको स्वीकार गर्दै आगामी दिनमा यस्ता गतिविधि रोक्नुपर्ने ठहर गरेको छ। शेखर कोइरालाले वाईसीएल प्रयोग गरी आफ्ना पक्षधर नोबेल एकेडेमीका सञ्चालकहरुलाई कुटपिट गराएको कुरा सुजाता कोइरालालाई त्यसैदिन जानकारी भएकै कारण कुटपिटमा परेकाहरुलाई प्रम गिरिजाप्रसाद कोइरालासंग भेटघाट गराउने प्रपञ्च मिलाइदिएकी थिइन्। भेटघाटको क्रममा कोइरालाले दोषीहरुलाई कारबाही गरिने भनी दिएको आश्वासनलाई विफल बनाउने काममा डा. शेखर कोइराला लागिपरेको सुजाता पक्षले जिकिर गरेको छ।

संसदबाट गणतन्त्र घोषणा हुने

नेकपा माओबादीका अध्यक्ष प्रचण्डले २-४ दिन भित्रै संसदबाट गणतन्त्र घोषणा हुने खुलासा गर्नुभएको छ ।
राजधानीमा गणतन्त्रका बिषयमा दलहरुबीच किचलो भइरहेका बेला आज बिहान कोचिला राज्य समिति स्तरीय गोप्य कार्यक्रता प्रशिक्षण कार्यक्रममा भाग लिन बिराटनगर आउनुभएका अध्यक्ष प्रचण्डले सो खुलासा गर्नुभएको प्रशिक्षणमा सहभागी कार्यकर्ताहरुले वताएका छन् ।
‘तपाइहरु ढुक्क हुनुहोस् ,गणतन्त्र घोणणा गर्न काग्रेस पनि सहमतिको नजिक आएको छ’ - प्रचण्डको भनाइ उद्यृत गर्दै एकजना माओबादी कार्यक्रताले भने - ‘यो बिषय गम्भीर भएकाले छलफल गर्न समय लागेको हो ।’
करिब २ घण्टा लामो प्रशिक्षण दिनु भएका प्रचण्डले केही दिनको छलफल पछि गणतन्त्र घोषणालाई टुंगोमा पुर्याउने दाबी गर्नुभयो । प्रचण्डले गणतन्त्र घोषणा र समानुपातिक निर्बाचन प्रणाली सहित ४ वटा मुद्धामा सहमति भए माओबादी निर्बाचन अभियानमा जुटिहाल्ने प्रष्ट पार्नुभयो ।
कोचिला राज्य अन्र्तगत झापा मोरंग र सुनसरी जिल्लाका करिब ११ सय कार्यक्रतालाई प्रशिक्षण दिदै प्रचण्डले कार्यकर्ताहरुलाई आचरण सुधार गर्न निर्देशन दिनुभएको छ । प्रचण्डले कार्यकर्ताहरुलाई तत्काल आफ्ना अराजक गतिविधि नियन्त्रण गर्न निर्देशन दिदै भन्नुभयो - ‘आचरण बिगि्रएका कार्यक्रताहरु तुरुन्तै आफूलाई सुधार्नुहोस् नत्र भने कडा सास्कृतिक क्रान्ति सुरु गरिनेछ ।’
प्रचण्डले पार्टी भित्र २० प्रतिशत कार्यक्रता भ्रष्ट भएको उल्लेख गर्नुभयो ।
उहाले शान्ति प्रक्रियापछि पार्टीभित्र प्रवेश गरेका केही कार्यकर्ताहरुको उद्दण्डताका कारण पार्टीकै बद्नाम भएको भन्दै तत्काल आचरण सुधार गर्नुपर्ने बताउनुभयो । प्रचण्डले नोबेल मेडिकल कलेज विराटनगरका सञ्चालकहरु बीचको विवाद मिलाउन आफूले काठमाडौं बोलाएका चिकित्सकलाई तल्लो स्तरका कार्यकर्ताले अपहरण गरेर कुटपिट गरेको बताउनुभयो ।
प्रचण्डले कार्यकर्ताहरुलाई जनताको आखामा नबिझाउने हुन सुझाव दिनुभएको छ ।

Mechi-Mahakali march

The YCL (Young Communist League)-the Maoists youth affiliate has started Mechi-Mahakali march from today.
The said march, according to reports, has been called for creating awareness among the population for republic declaration and strengthening nationalism.
The Maoists’ central committee member and a high ranking leader, Mr. Ram Bahadur Thapa alias Badal lunched the “march campaign” in Gongabu, Kathmandu, today.
According to the YCL-Kathmandu Chapter President, Sagar, the march will be completed within one and a half month and the main idea behind this campaign is to make people aware of unnecessary foreign meddling in Nepal’s internal matters and the need for declaring the country a democratic republic.
It is estimated that more than 5 Lakhs volunteers will join the campaign, add reports।

नेता पत्नीहरुको समेत पदोन्नति

सबैभन्दा बढी महिला समानता र हक अधिकारका कुरा गर्ने पार्टी कुन हो भनी सोधिएमा सहजै नेकपा माओवादीको नाम आउँछ। केन्द्रीय नेताहरुका पत्नी वा उनीहरुका आफन्त भएकै कारणले मात्र टपटप टिपी सुविधायुक्त स्थानमा बढुवा दिने र लामो त्याग र बलिदानी भएका महिला कार्यकर्तालाई आफल्ने पार्टीको पंक्तिमा पनि माओवादी नै अगाडि देखिएको छ। माओवादी केन्द्रीय सदस्य देवेन्द्र पौडेल (सुनिल) की पत्नी बलावतीलाई पार्टी भातृ संगठन बुद्धिजीवीको जिल्ला समितिबाट पदोन्नति गरी नेवाः राज्य समितिको सदस्य बनाइएको छ। उता, विधायक खिमलाल देवकोटाकी जीवन संगिनी लक्ष्मी शर्मा देवकोटालाई पनि टपक्कै कानूनबाट टिपी बुद्धिजीवीको जिल्ला समितिमा ल्याइएको छ। पार्टीमा लामो समयदेखि खटेका कार्यकर्ताहरु देवकोटा पत्नी लक्ष्मी २०६२ सालसम्म कांग्रेस नै रहेको चर्चा गर्दैछन्। यसैगरी माओवादीका तर्फबाट नेपाल टेलिभिजनको अध्यक्ष बनेका डा। ऋषिराज बरालकी श्रीमती सरिता बराललाई पनि सरक्क बुद्धिजीवीको जिल्ला समितिमा राखिएको छ। सरिता पशुपति बहुमुखी क्याम्पस चाबहिलमा पढाउँछिन्। स्मरण रहोस्, पार्टीभित्र निरन्तर खटेका क्षमतावान् महिला कार्यकर्ताहरुलाई पाखा लगाएर नेता पत्नीहरुलाई एक्कासि टपक्क टिप्दै थपक्क राख्ने वातावरण नेतृ हिसिला यमीका कारण सिर्जना भएको स्रोतले उल्लेख गरेको छ। यमीले डा. बाबुराम भट्टराईका भाइ शिवकी पत्नी दुर्गा भट्टराईलाई एक्कासि बुद्धिजीवी जिल्ला कमिटीमा राख्ने प्रस्ताव गरेपछि अरूहरुले पनि मौकाको फाइदा उठाउँदै तिहारअघि नै चौका होनका हुन्। केन्द्रीयस्तरका नेताहरुको कार्यविभाजन र जिम्मेवारीका नाममा आफ्नो मात्र बन्दोबस्त मिल्नेगरी निर्णय गरेपछि पार्टीको जिम्मेवारी निर्वाह गरिरहेका क्षमतावान् कार्यकर्ताहरु निराश भएका छन्। माओवादी बुद्धिजीवी संगठनका केन्द्रीय अध्यक्ष रमेश शर्मा पार्टीभित्र झाँगिदै गएको गलत प्रवृत्तिका कारण निस्त्रि्कय छन्। अनेक साइनो र माध्यम लगाएर नेता समाती सर्लक्कै माथि उक्लन ज्यानै फाल्ने प्रवृत्तिका कारण माधव मरहठ्ठा पनि निराश देखिएका छन्। उता पदमा टिकिरहन र माथि चढ्न कार्यक्षमता देखाउनुको सट्टा जोरजुलुम गर्न बढी रुचाउने माओवादी कर्मचारी संगठनका अध्यक्ष रुक्म लामिछानेले दशैंमा त्यांग्लाफाँटास्थित घरमा बोलाएर नेताहरुलाई ठूलै भोज खुवाए। यसैगरी संकटकालमा पार्टीबाट अलग्गिएका मुक्ति प्रधानलाई मेलम्ची खानेपानीको कानूनी सल्लाहकार, डा. लक्ष्मीप्रसाद देवकोटालाई खानेपानीको महाप्रबन्धक बनाइएकोप्रति पनि पार्टीका लागि प्रशस्त त्याग र बलिदान गर्ने नेता कार्यकर्ता सकारात्मक पाइएका छैनन्। मन्त्री यमीका निजी सचिव भूमि देवकोटाले त अन्तरंग मित्र कमला लामिछानेकी बहिनीलाई जिल्ला खानेपानी कार्यालय गोरखाको जागिरे नै बनाए। माओवादीभित्र देखिएको आफू निकटकालाई मात्र सुविधा उपलब्ध गराउने र बेपत्ता तथा शहीद परिवारलाई पूर्णतः बेवास्ता गर्ने आम व्यवहारले पार्टी र जनताका नाममा सर्वश्व गुमाउनेहरु हेरेको हेर्यैद भएका छन्। यसैगरी पूर्व एमाले सम्बद्ध शिक्षक संगठनका नेता वामदेव गौतम र पर्वतका पूर्व एमाले सांसद देवबहादुर पौडेल माओवादीमा प्रवेश गरेर पनि सन्तुष्ट नभएको पाइएको छ। हालसम्म बुद्धिजीवी समितिमा राखिएका उनीहरु दुवैजना यसपटक बल्ल भूगोलतिर सर्न पाएका छन्। पूर्व एमाले राममान श्रेष्ठलाई राज्य समितिमा लगिएपछि उनीहरुले आफूलाई भने हेला गरेको महसुस गरेको बताइयो। मकवानपुरका इञ्चार्ज कुशल प्रधानलाई पदोन्नति गरी काठमाडौंमा रहेको माओवादी हेडक्वार्टरमा ल्याइएको छ। अब उनी अध्यक्ष प्रचण्डको निजी सचिवालयमा कार्यरत रहनेछन्। प्रधानको ठाउँमा चितवनका सचिव चन्द्रहरि सुवेदी (अटल) स्थापित भएका छन्। यसैबीच, मंसीर दोस्रो साताभित्रै माओवादी केन्द्रीय समितिको बैठक बस्ने भएको छ।
जन आस्था बाट

Carter's peace plan- fresh blow to Gyanendra

Former US president Jimmy Carter Saturday ended his four-day visit to Nepal by drawing up a peace formula that deals a fresh blow to embattled King Gyanendra, endorsing the Maoist demand to abolish monarchy immediately through a parliamentary proclamation and putting pressure on the government to implement it by virtue of his endorsement.
The Nobel peace prize laureate, who personally handed over his suggestion to Prime Minister Girija Prasad Koirala Saturday, called his peace plan a 'balanced position' which could be modified by the major parties if they wanted.
'The proposals I have made are an adequate compromise to the demands I have met from the leaders of various parties,' Carter told the media at the end of the peace mission during which he met Koirala, Maoist chief Prachanda, three deputy commanders of the Maoists' guerrilla army, Election Commission officials, foreign envoys, UN officials and leaders of marginalized groups.
To end the deadlock gripping Nepal's peace process since September, when the Maoists quit the government and began demanding the immediate abolition of the monarchy as well as a fully proportional electoral system, Carter has suggested a compromise formula.
The octogenarian leader said an overwhelming majority of the parties he had met had said they supported the abolition of Nepal's two centuries old monarchy. So the former president is suggesting that parliament proclaim Nepal a republic, as per the Maoists' demand.
However, he is suggesting that the implementation be effected after a constituent assembly -- that will write a new pro-people constitution -- is convened after an election.
He is also advocating a mixed election system in which 70 percent of the seats would be chosen on the basis of proportional representation and the remaining 30 percent on a first past the post basis.

एमालेमा किचलो !!

व्यवस्थापिका संसद्मा माओवादीसंग मिलेर प्रस्ताव पारित गर्ने निर्णय पार्टीको कुनै कमिटीबाट नभएको भनेर केपी ओली, प्रदिप नेपाललगायतका नेताहरुले आलोचना गरे पनि सो निर्णय स्थायी समितिको बैठकबाटै गरिएको खुलासा भएको छ। तर माइन्युट लेख्ने जिम्मेवारी पाएका सचिवालय सचिव अमृतकुमार बोहोराले धोका दिएपछि महासचिव माधवकुमार नेपाल र वामदेव गौतम पार्टीभित्र आलोच्य भएका हुन्। २०६४ कात्तिक १९ गते सिंहदरबारस्थित एमाले संसदीय दलको कार्यालयमै स्थायी कमिटी बैठक बसेको थियो। बैठकमा माओवादीसंग मिलेर गणतन्त्रसम्बन्धी पार्टीको प्रस्ताव पारित गर्नुपर्छ भन्नेमा वामदेव गौतम एक्लो परेका थिए। गौतमलाई अमृत बोहोरा र ईश्वर पोखरेलले त तपाईं माओवादीमै जानुस् सम्म भनेको एक नेताले बताए। अन्तिममा महासचिव नेपालले झोक्किंदै।।।ज(जसलाई जे गर्नुछ, गर्नुस् तर गणतन्त्र र समानुपातिक प्रणालीलाई संसद्मा अल्पमतमा पर्न दिन्न। माओवादीसंग मिलेर एक(एकवटा प्रस्ताव पारित गर्ने मेरो हि्वप हो' भनेपछि बैठक टुंगिएको थियो। माइन्युट लेख्ने जिम्मा पाएका बोहोराले त्यो बैठकको माइन्युट नै नलेखेको कुरा महासचिवले पछिमात्र थाहा पाएको बताइएको छ। सो प्रकरणलाई महासचिव नेपालले निकै गम्भीर रुपमा लिएको एमालेको उच्च स्रोतले जनाएको छ। वामदेव गौतमले त अमृत बोहोराले घात गरेको भन्दै यस प्रकरणलाई चर्काउने भइसकेका थिए तर महासचिवले रोकेको बताइएको छ। यद्यपि, कात्तिक ३० गते बल्खुमा बसेको स्थायी समिति बैठकमा पनि वामदेवले माइन्युट प्रकरण उठाएका थिए। माइन्युट बुक लिएर बैठक कोठाको ढोकाकै छेउमा बसेका बोहोरालाई वामदेवले।।।तपार्इंको कुनै भरोसा छैन। आफ्नो अनुकूल निर्णय भएन भने माइन्युट नै लेख्नु हुन्न' भनेर घोचपेच गरेका थिए। महासचिव नेपालले सधैं विश्वास गरेर कार्यवाहक महासचिव बनाउंदै शक्तिशाली हैसियतमा पुगेका बोहोरा पछिल्लो समयमा महासचिवविरुद्धको अभियानमा ज्यान फालेर लागेका छन्। स्थायी समितिमा आफ्नो अवस्था दयनीय भएकाले महासचिव नेपाल बोहोरालाई चलाउन सक्ने अवस्थामा पनि नरहेको एमालेका नेताहरु बताउंछन्। सचिवालय सचिव भनेको महासचिवको सहयोगी र पार्टी प्रवक्ताको हैसियत हो तर बोहोराले माइन्युटमा समेत महासचिवलाई धोका दिएका छन्। स्थायी समितिको पछिल्लो बैठकमा पनि एमालेका नेताहरुबीच ठूलै होहल्ला मच्चिएको थियो। करिब एक वर्षदेखि पार्टीका कुनै पनि बैठकमा नदेखिएका केपी शर्मा ओलीसमेत कात्तिक ३० गतेको बैठकमा सुरुदेखि अन्त्यसम्म जमेर बसेका थिए। अधिकांश नेताहरुले महासचिव नेपाल र वामदेवको चर्को आलोचना गर्दै पार्टीलाई डुबाएको आरोप लगाएका थिए। बैठक चलिरहेका बेला बाहिरै सुनिनेगरी नेताहरु चर्काचर्की गर्न थालेपछि महासचिव नेपालका स्वकीय सचिव दीपेश पौडेलले छेउछाउमा रहेका टेलिभिजन पत्रकारहरुलाई तल गइदिन आग्रह गरेका थिए। बैठकमा स्थायी समितिका एक सदस्य केशव बडाल।।।पार्टी त डुब्यो कमरेड, हामी बर्बाद भयौं' भन्दै भावुक भएका थिए। स्थायी समितिमा महासचिवविरुद्ध प्रचण्ड बहुमत भए पनि संसद्मा गरिएको निर्णय उल्ट्याउने प्रस्ताव भने कसैले लगेनन्। केपी ओली अहिले वैचारिक मुद्दामा फरक मत राखे पनि महासचिवलाई हटाउने वा अल्पमतमा पार्ने खेलमा सामेल नहुने मुडमा छन्। पछिल्लो समयमा माओवादीविरुद्धको प्रकरणमा झलनाथ खनाल, अमृत बोहोरा, ईश्वर पोखरेल, प्रदिप नेपाल, केपी ओली एक ठाउंमा भए पनि यो समीकरण दीर्घकालीन नहुने एमाले नेताहरु बताउंछन्। ओली झलनाथलाई नेता नै मान्दैनन् भने ईश्वरसंग कुरै मिल्दैन। ओली निकटका एक केन्द्रीय सदस्यका अनुसार ओली अहिले महासचिवको विरोध पनि नगर्ने र अरुले विरोध गरेमा प्रतिवाद पनि नगर्ने दहीच्यूरे रणनीतिमा छन्। यता वामदेव गौतम भने स्थायी समिति र संसदीय विभागमा अल्पमतमा परे पनि केन्द्रीय समितिमा महासचिव र आफ्नो बहुमत रहेकाले कसैले केही गर्न नसक्ने बताउन थालेका छन्। पछिल्लो समयमा वामदेव गौतम, झलनाथ र ईश्वर लबीबाट अलग भएर महासचिव नेपालको एकमात्र समर्थक बनेर प्रस्तुत भएका छन्। महासचिवको पक्षमा स्थायी समितिमा गौतमका अलावा सहाना प्रधान र विष्णु पौडेल पनि छन्। बाहिर जतिसुकै चर्का कुरा गरे पनि प्रदिप नेपालले महासचिवको साथ नछाड्ने स्पष्ट छ। स्थायी समितिमा अल्पमतमा परेका महासचिवले चलाखीपूर्ण ढंगले विवादलाई थान्को लगाउंदै सातदलको एकताका लागि एमालेले नयां भूमिका खोज्ने निर्णय गराउंदै सो प्रकरणबाट मुक्त भएका छन्। यता स्थायी समितिले माओवादीसंग संसद्मा भएको एकता प्रकरणलाई छाडे पनि केन्द्रीय कमिटीले छाड्दैन भन्दै युवराज कार्कीलगायतका केन्द्रीय सदस्यहरु महासचिव र वामदेवको सत्तोसराप गर्न थालिसकेका छन्। यो अभियानमा आफैंले प्रचार विभाग प्रमुख बनाएका रघुजी पन्तदेखि राजेन्द्र पाण्डेसम्म सामेल भएकोमा महासचिव नेपाल आक्रोशित भएका छन्। पन्तलाई बढी नबोल्न निर्देशन दिन वामदेवले महासचिवलाई आग्रह गरेको चर्चा पनि बल्खुमा सुनिन्छ।

गणतन्त्रको पक्षमा जान भारत सहमत

भारतीय शासकको नेपालमा गणतन्त्र स्थापनाका लागि लबिङ भइरहंदा राजतन्त्र बचाउने प्रयासस्वरुप निर्मल निवासमा पनि अहिले सक्रियता ह्वात्तै बढेको छ। नेपाली कांग्रेसका केन्द्रीय सदस्य डा. शेखर कोइराला भारतीय शासकलाई नेपालमा गणतन्त्रमा जान आग्रह गरेर फर्केको एक हप्ता नबित्दै भारतीय दूतका रुपमा चिनिएका अम्रेश सिंहलाई नयांदिल्ली बोलाएर गणतन्त्रको पक्षमा जान भारत सहमत भएको सन्देश बोकाएर उनलाई काठमाडौं फर्काइएको छ। अम्रेश सिंह ठूला पार्टीका नेताका निवासमा पुगेर नेपाललाई गणतन्त्रमा लान भारत सहमत भएको खबर दिंदै हिंडेका छन्। माओवादीलाई एक्ल्याएर ठोक्ने रणनीति बनाएको भारतले चीनका विद्वान् वाङले नेपाल आएर नेपाल र माओवादीको पक्षमा बोलेपछि भारतले आफ्नो रणनीति बदलेर दूतावासमार्फत माओवादीका दुई नेताहरुलाई भारतसंगको सम्बन्धलाई अझ गाढा बनाउने हो भने भारत गणतन्त्रमा जान तयार रहेको कुरा राजनीतिक वृत्तमा चर्चा छ। उता भारतीय शासक गणतन्त्रमा जाने रणनीतिलाई तुहाउन दरबारले पनि भारतको भारतीय जनता पार्टीसंग मात्र लबिङ गरिरहेको छैन कि नेपालमा पनि आफ्नो शक्ति सुदृढ गर्न सक्रिय देखिन्छ। दरबार पक्षधर व्यक्तिहरु दिनहुं भेटघाट र छलफलमा व्यस्त छन। यसरी राजतन्त्र बचाउने निर्मल निवासको अभियानमा राजनीतिक व्यक्तित्व मात्र होइन, व्यवसायीसमेत जुटेको बुझिएको छ। जानकारीअनुसार शरदचन्द्र शाहको नेतृत्वमा हिमालयशमशेर राणा, भरतकेशर सिंह र निजका छोरा अमर सिंह, भोला थापा (प्रेसिडेन्ट ट्राभल्स), योगेन्द्र शाक्य, मनोजबहादुर श्रेष्ठ, अशोक राणा, रोहिणी थपलिया, विजय दुगड (दुगड ग्रुप), शशि खेतान (रिलायन्स स्पिनिङ), रुपज्योति, विनोद सिंह (शेर्पा होटल), राजेन्द्र खेतान, दीपक भट्ट (फक्स ट्राभल्स)लगायत संगठित भएका छन्।