नेपाली समाज युकेको साउथ कोष्ट समिति गठन

लण्डन, १३ जुलाई । बेलायतमा बसोबास गर्ने नेपालीहरुको साझा संगठन नेपाली समाज युकेले बेलायतको साउथ कोष्टमा एक भेलाको आयोजना गरी नेपाली समाज युके साउथ कोष्ट क्षेत्रीय समिति गठन गरेको छ । नेपाली समाज युकेका केन्द्रिय कोषाध्यक्ष बासुदेव मिश्र र प्रगतिशिल बुद्धिजीवि जनक अधिकारीको विशेष उपस्थितिमा सम्पन्न उक्त भेलाले सुरेन्द्र श्रेष्ठको संयोजकत्वमा दुइ सदस्य पछि थप गर्ने गरी ९ सदस्यीय क्षेत्रीय समिति गठन गरेको हो । नव गठित कार्यसमितिको सहसंयोजकमा गायत्री सिंखडा, सचिवमा कृष्ण सिंखडा, कोषाध्यक्षमा राजेन्द्र पाण्डे र सदस्यहरुमा कृष्ण दाहाल, लोक गुरुङ्ग र ज्ञानु भुसाल रहनु भएको छ ।

नेपाली समाज युकेका केन्द्रिय कोषाध्यक्ष बासु मिश्रले नव गठित कार्यसमितिका पदाधिकारीहरुलाई बधाई दिदैं साउथ कोष्टमा नेपाली समाज युकेको संगठन विस्तारमा यस समितिबाट थप योगदान पुग्ने विश्वास व्यक्त गर्नुभयो । उहाँले बेलायतका विभिन्न क्षेत्रमा नेपाली समाज युकेका समितिहरु गठन हुने क्रम जारी रहेको र त्यसैको पहलको लागि विभिन्न क्षेत्रमा समितिका पदाधिकारीहरु सक्रियतापर्ूवक काम गरिरहेको जानकारी गराउनु भयो ।