बाढी र पहिरोबाट मृत्यु

नेपाल को पूर्बी र् पश्चिमी विभिन्न भाग पानी र बाढीबाट प्रभावित भएको छ । आज पनि बाढी र पहिरोमा परी केही व्यक्तिको मृत्यु भएको छ ।बाढी बाट तराईका धेरैजसो बस्ती डुबेको छ भने हजारौं घरवारविहीन भएका छन् । बाढीले नेपालगञ्ज, धनुषा, सिरहा, सप्तरी, बर्दिया, उदयपुर, महोत्तरी लगायतको जनजीवन कष्टकर बन्दै गएको छ ।समयमा राहत नपुग्दा नेपालगञ्जमा बाढी पीडितको अवस्था अझ कष्टकर बन्दै गएको छ । बाँकेमा अविरल पानी र बाढीले १९ गाविस र नगरपालिका धेरैजसो क्षेत्र डुबेको छ ।

सप्तरीको त्रियुगा, महुली, सुन्दरी, खोडोखड्ग र बलान खोलामा आएको बाढीले ३ हजार घर परिवारलाई विस्थापित पारेको छ । बाढीले भिम बाँध कटानको सम्भावना बढेपछि नेपाली सेना सहितको टोली बाँध मर्मतका लागि बाढी प्रभावित क्षेत्रमा गएको छ । नेपालतर्फ पानीको सतह बढेपछि कोशी व्यारेजका सबै ३९ वटै ढोका खोलेर आपत्तकालिन साईरन, बत्ति र रातो झण्डा गाडिएको छ । बर्षा र बाढीका कारण पूर्वी पहाडको भोजपुर, इलाम र पाँचथरको जनजीवन पनि प्रभावित भएको छ ।

दाङको गुर्जे खोला र पार्तु खोलाले बगाउँदा अन्दाजी २२ वर्षको एक युवक र एक महिलाको मृत्यु भएको छ ।

उता नेपाल का संसद हरुले आफ्नो ५ दिन को तलब बाढी पीड़ित हरुलाई उपलब्ध गंराउंनें भएका छन !